WASHINGTON, DC —
Ma'aikatar tsaron Rasha tace jirgin mai jigila an harbo shi ne yayin da yake kan hanyar komawa daga birnin Aleppo inda ya kai kayan agaji, kuma cikin mutanen biyar da suka mutu biyu manyan jami'an soja ne, mutum uku kuma ma'aikatan jirgin ne.
Dakarun Rasha suna kai farmaki da jiragen yaki a Syria a goyon bayan da kasar take baiwa gwamnatin shugaba Bashar al-Assad.
Tun a shekara ta 2011 'yan tawaye da gwamnatin ta Syria suke fafatawa bayan zanga-zangar lumana ta rikida ta zama yakin basasa.
