washington dc —
Kungiyar kwallon kafa ta Porto ta sanar da sallamar Vitor Bruno a jiya Litinin, abinda ya kawo adadin kulub-kulub din kasar Portugal 3 da suka sallami masu horas dasu a wannan kaka.
Daraktan makarantar horas da wasan kwallon kafa ta Porto Jose Tavares zai karbe ragamar horas da kungiyar a mataki na wucin gadi, kamar yadda kulub din ya bayyana.
Porto ta subuto zuwa mataki na 3 a saman teburi, inda take a bayan Sporting da maki 4. Benfica ta matsa zuwa mataki na 2 a karshen makon daya gabata.
Benfica ta raba gari da kociyanta dan asalin Jamus Roger Schmidt a karshen watan Agusta, yayin da Sporting ta sallami mai horaswar daya gaji Ruben Amorim Joao Pereira fiye da wata guda bayan da Amorim din ya koma Manchester United.
Dandalin Mu Tattauna