Bayan sanar da shawarar takaita damar manema labarai a cibiyoyin tattara sakamako na jihohi yayin zaben 2024, Hukumar ta ce gidajen jaridu 12 kacal za a ba izinin shiga wadannan wurare, abin da ya haifar da damuwa daga bangarori daban-daban.
Hukumar Zabe ta bayyana cewa, takaita damar manema labarai wani tsari ne na tabbatar da tsaro a cibiyoyin tattara sakamako. Hukumomin suna ci gaba da tattaunawa game da wannan batu da fatan samun mafita mai kyau.
Darakta na Hukumar Tsaro da Zaman Lafiya ta Musulunci (IPASEC), kuma malami, dan jarida, da mai bincike kan batutuwa a fannin harshe da ilimi, Dr. Mohammed Marzuq Abubakari, ya ce idan aka bi tsarin damokaradiyya, wannan mataki daga Hukumar Zabe bai dace ba.
Ya kuma ba da shawara kan yadda za a daidaita batun tsaro da tabbatar da gaskiya a tsarin zaɓen.
Kungiyar ‘Yan Jarida ta Ghana (GJA) da kungiyar Gidajen Watsa Labarai ta Ghana (GIBA) sun yi kira ga Hukumar Zabe ta sake duba wannan matakin, suna masu cewa, yana iya shafar gaskiya da amincewa da tsarin zaben.
Yayin da Ghana ke shirin gudanar da zaben 2024, hankalin jama’a na kan Hukumar Zabe don warware wannan matsala tare da tabbatar da gaskiya ba tare da yin barazana ga tsaro ba.
Saurari cikakken rahoton:
Dandalin Mu Tattauna