Gabanin zaben, hukumar zabe Mai Zaman Kanta ta Kasa (INEC) ta tantace jam’iyyun siyasa 18 da zasu fafata a zaben. Za a kada kuri'a a rumfunan zabe 3,933 na kananan hukumomin 18 dake jihar.
Mutane 2,053,061 ne suka yi rajistar zabe a jihar. Hukumar INEC ta ce za ta tura na'urar tantance masu kada kuri’a (BVAS) da bututun bayanai na (IReV) don gujewa tafka magudi.
A ranar Juma’a ne alkalan zaben suka fara rabon muhimman kayayyaki ga kananan hukumomin inda suka ce a shirye suke domin gudanar da zaben.
An baza ‘yan sanda da sauran jami’an tsaro domin tabbatar da tsaro a jihar.
Gwamna mai ci Lucky Aiyedatiwa wanda ya gaji marigayi Gwamna Rotimi Akeredolu bayan rasuwar sa a karshen shekarar da ta gabata yana takara a zaben.
Sai kuma Babban abokin takarar sa Ajayi Agboola na jam’iyyar PDP, da kuma sauran ‘yan takara.
Dandalin Mu Tattauna