washington dc —
Tito Jackson, dan asalin tawagar mawakan pop ta Jackson 5 kuma dan uwa ga marigayi Micheal Jackson, ya mutu yana da shekaru 70 a duniya, a cewar jaridun Amurka.
Sakon da ‘ya’yan tito; Taj, Taryll da Tj Jackson, wadanda suma suka kasance tawagar mawaka 3 masu amfani da salon r’n’b da pop, “3T” da ta yi tashe a shekarun 1990, suka wallafa a shafinsu na Instagram ne ya tabbatar da labarin mutuwar.
Sun rubuta cewa, “mun kadu kuma cikin alhini na rashi”. “Mahaifinmu mutum ne mai ban mamaki wanda ya damu da kowa da rayuwarsa”.
Har yanzu ba’a tantance musabbabin mutuwarsa ba a hukumance.
Dandalin Mu Tattauna