PDP Ta Lashe Zaben Shugaban Kasa A Jihar Kaduna
Dan takarar Shugaban kasa na jam'iyar PDP Atiku Abubakar ya lashe zabe a jihar Kaduna.
Atiku ya lashe zabe a Kananan Hukumomi 14 da kuri'u 554,360 yayinda jam'iyar APC ta sami kuri'u 299,293, da jam'iyar Labour a matsayi na uku da kuri'u 294,494, jam'iyar NNPP ta zo ta hudu da kuri'u 92,969.
Jam'iyar Labour Ta Lashe Zabe Shugaban Kasa A Jihar Plato
Dan takarar Shugaban kasa na jam'iyar Labour, Peter Obi ya lashe zabe a jihar Pilato.
Obi ya sami kuri'u 466,272, dan takarar jam'iyar APC Bola Tinubu na biye da kuri'u 307,195, yayinda Atiku Abubakar na jam'iyar PDP ya zo na uku da kuri'u 243,808, sa Rabi'u Kwankwaso na jam'iyar NNPP a matsayi na hudu da kuri'u.
Gwamnan Jihar Plato Ya Fadi Zaben Majalisar Dattijai
Gwamnan jihar Plato Simon Lalong wanda kuma shine darektan yakin neman zaben Shugaban kasa na dan takarar jam'iyar APC Bola Tinubu, ya fadi zaben Majalsar Dattijai.
Lalong ya sha kaye ne a mazabar Plato ta Kudu a hannun dan takarar jam'iyar PDP Napoleon Bali wanda ya sami kuri'u 148,844 , Lalong ya sami kuri'u 91674.
APC Ta Kada Gwamna Darius Ishaku A Zaben Majalisar Dattijai
Dan takarar Jam'iyar APC David Jimkuta ya kada gwamnan PDP mai mulki a jihar Taraba Darius Ishaku a zaben Majalisar Dattijai.
Da yake sanar da sakamakon zaben a Wukari , Farfesa Adeyeye Solomon, baturen zaben Majalisar Dattawa, ya ce Mista Jimkuta ya samu kuri’u 85,415, ya doke Ishaku wanda ya samu kuri’u 45,708.