Atiku Ya Kada Tinubu A Yobe
Dan takarar Jam'iyar PDP Atiku Abubakar ya kada Bola Tinubu dan takarar jam'iyar APC mai mulki a jihar Yobe.
Atiku Abubakar ya lashe zaben ne da kuri'u 198,567 , yayinda Bola Tinubu ya sami kuri'u 151,459.
Rabiu Musa Kwankwaso, dan takarar jam'yar ANPP ya zo na uku da kuri'u 18,270.
Har Yanzu Sunan Shekaru Ke Kan Takardar Takarar ANPP A Kano
Akwai yuwuwar Hukumar Zaben Najeriya zata bayyana tsohon Gwamnan Kano Sanata Ibrahim Shekarau a matsayin sanata mai wakiltar Kano ta tsakiya a Majalisar dattawan kasar, muddin Jam'iyyar NNPP ta galaba a zaben da aka gudanar ranar asabar.
Hakan da ya biyo bayan rashin cire sunan sa daga kundin’yan takara na hukumar zabe ta INEC duk da cewa, ya fice daga Jam'iyyar ya koma PDP kimanin watanni uku da suka gabata.
Ya zuwa yanzu dai ana ci gaba da dakon sakamakon zaben kananan hukumomi 4 daga cikin kananan hukumomi 15 na mazabar dan majalisar dattawan ta Kano tsakiya.
Daga Mahmud Ibrahim Kwari
Tinubu Ya Lashe Zaben Jihar Kwara
Dan takarar shugaban kasa na Jam'iyar APC Bola Tinubu ya kashe zaben jihar Kwara.
Tinubu ya lashe zaben da kuri'u 263,572, Atiku Abubakar na jam'iyar PDP ya samu kuri'u 136,909, yayinda Peter Obi, ya sami kuri'u 31,166,Rabiu Kwankwaso, ya sami kuri'u 3,141.
Atiku Ya Lashe Zaben Jihar Osun
Dan Takarar Jam'iyar PDP Atiku Abubakar ya lashe zaben jihar Osun.
Atiku ya lashe zaben ne da kuri'u 354,366, yayinda abokin hamayyarsa na kurkusa a jihar Bola Tinubu na jam'iyar APC ya sami kuri'u 343,945, sai Peter Obi, da ya samu kuri'u 23,283, yayinda Rabiu Kwankwaso, ya sami kuri'u 713.