Kamar yadda muka saba kawo maku shirin mata a kowane karshen mako, Yau Dandalinvoa ya samu bakuncin Dr Maryam Sani Ado, likita ce a asibitin koyarwa na Malam Aminu Kano, Inda ta kware a fannin gwaje-gwajen cutuka wanda a turance ake kiran sa (Radiologist).
Tace ta karanta fannin likita a jami’ar Bayero Univeristy kano sakamakon sha’awar karanta fannin aikin lafiya da take da shi a zuciyar ta saboda ta tashi taga Mahaifin ta likita ne tun tana karama.
Ta kuma yi kira ga matasa cewa idan zasu yi karatu suyi kokari su karanta abunda suke sha’awa domin yin hakan ne zai saukaka masu karantu, tace tun da ta fara karatun likita bata taba samun wani kalubake ba saboda ra’ayin ta Kenan tun tana karama.
Daga karshe Dr Maryam ta kara da cewa bata yi aure ba sai da ta kammala karatunta sannan kuma tayi kira ga yan’uwan ta mata da su tashi tsaye su nemi ilimi domin kuwa aure baya hana karatu, koda aure zasu iya cimma burin su na karatun jami’a.
Facebook Forum