A shirye shiryen da manya manyan Kungiyoyin kwallon kafa na Najeriya keyi na fuskantar gasar firimiya lig ta bana, a yanzu haka kungiyoyin sun dukufa wajan zakulo haziqan 'yan wasa daga sassa daban daban domin shiri a gasar ta bana.
Bayan haka kuma Kungiyoyin sukan hada wasanni mai taken (Free Season) a can yankin arewa maso gabas, kuma ana hada irin wannan wasa ne inda kungiyoyi guda hudu da suka fito daga yankin suke fafatawa a tsakaninsu acan jihar Gombe
Kungiyoyin sune Wikki tourist dake garin Bauchi, Gombe United, sai El-kanemi ta jihar Maiduguri, da kuma Kungiyar kwallon kafa ta Doma, dake jihar Gombe.
A karawar da sukayi a tsakaninsu Wikk tourist ta doke Gombe United, da ci1-0 sai El-kanemi sukayi kunnen doki 1-1 da Doma, a karawar da Gombe United, ta yi da El-kanemi. Gombe United ta samu nasara daci 2-0 hakanan Doma, ta sake yin kunnen doki 1-1 tsakaninta da Wikki, In da yau ake tsammanin za'a buga wasa tsakanin Gombe United da Doma
Wikk tourist da El-kanemi ta Maiduguri, sai dai haka bai yuwuba saboda wasu dalilai wanda ba'a baiyana suba.
