Idan har ka taba wani ruwan jiki na mai fama da cutar Ebola, to cikin gaggawa wanke wurin da ruwa da sabulu.
Kwayar cutar Ebola tana iya zama ne kawai a cikin jini, ko bayangida, ko amai, ko nonon uwa, ko gumi, ko maniyyin wadanda cutar ta nuna alamunta a jikinsu. Ba a iya daukarta ta iska ko kuma ta cizon sauro.
Tilas sai kwayar cutar ta shiga har cikin jikin mutum kafin ta iya kama shi. Kada ka taba idanunka, ko hanci, ko baki, kuma ka daure duk wani nwurin dake da gyambo a jikinka.
Idan kana kula da wani mai fama da cutar Ebola, ka tabbatar ka sanya safar roba ta hannu kafin ka taba zanin gado ko bargo ko mayafi ko kuma suturar maras lafiyar da watakila wani ruwan jikinsa ya taba su.
A guji yin jima’i da namijin da ya warke daga cutar Ebola. Kwayar cutar tana iya zama har na tsawon kwanaki 90 a cikin maniyyin namiji. Idan har ma ya zamo tilas a yi jima’i, to tilas a tabbatar anyi amfani da kororon roba.
Kwayar cutar Ebola ba ta iya rayuwa na lokaci mai tsawo a filin Allah. Hasken rana, da Bilich da kuma sifirit sun a kasha kwayar cutar.
Matakin farko na kare kai daga wannan cuta shi ne na wanke hannu a kai a kai da sabulu ko kuma maganin wanke hannu.
