WASHINGTON D.C. —
Dan wasan gaba kuma dan kasar Sweden, Zlatan Ibrahimovic ya shirya komawa kungiyar AC Milan don haduwa da zakakuran kasar Italiya don maye gurbin dan gabansu bayan dawowar shi daga Amurka
Zlatan Ibrahimovic wanda a baya ya buga wa kasarsa ta Sweden wasa, ya bayyana ra’ayinsa na komawa Turai a kulob dinshi na da wato AC Milan, a baya ya samu nasarori a cikinta.
Jaridar kasar Italiya ta Republica ta ce kungiyar AC Milan ta kamala komai na dawo da dan wasan, abin da ya rage kawai shi ne sanarwar dawowar tasa.
An bayyana cewa Ibrahimovic ya sanya hanu akan kwantiragin na wata 18, sannan zai amshi kudin da ya kai yuro miliyan 5.