Wasu rahotanni na bayyana cewar dan wasan tsakiya na kungiyar Manchester United Paul Pgoba, yayi wata ganawa ta musamman da mai horas da kungiyar kwallon kafa ta Real Madrid Zinedine Zidane.
Sunyi wannan ganarwar ne bayan wasanni da akayi a kasar Dubai, ana dai alakanta zaman nasu ne kan batun komawar dan wasan zuwa Real Madrid, wacce ta jima tana zawarcin dan wasan.
Dan wasan Pgoba da Zidane wanda duk kannin su, sun lashe kofin duniya wa kasar Faransa.
Zidane ya jima yana muradin ganin ya dauko dan wasan wanda Manchester United, ta saye shi akan kudi fam miliyan £89, daga tsohowar kungiyar sa ta Juventus, ita dai kungiyar ta Manchester United a baya tace dan wasan ba na sayarwa bane.
Sai dai wakilin dan wasan mai suna Mino Raiola, ta hannun dan wasan ya bayyana sha'awar su ta ganin cewa ya kamata ya bar Manchester United domin samun wani kalubalen a wata kungiya daban.
Hasashe na nuna cewar dan wasan Pgoba ba zai fafata a babban wasan da Manchester za tayi da Liverpool a ranar Lahadi ba, sakamakon jinya na rauni da yake fama da shi a idon sawunsa.