Hanyar da kasar Sudan za ta iya bi don kafa gwamnatin farar hula za ta zama mai tsawo da wahala, a cewar babban manzon Amurka a kasar, mako guda bayan da majalisar mulkin sojojin kasar da kungiyoyn ‘yan adawa suka cimma yarjejeniya da ta bayyana yadda za a gudanar da mulki cikin shekaru uku.
Yarjejeniyar dai ta biyo bayan zanga-zangar siyasa da ta shafe watanni bakwai, ta kuma saukar da dadadden shugaban kasar Omar al-Bashir, kuma yawancin zaman tattaunawar ya hada da kusoshi a kasar da ke da arzikin mai.
Amma akwai sauran ayyuka masu yawa da su ka rage a yi, a cewar Donald Booth, jakadan Amurka na musamman a Sudan. Tun lokacin da aka nada shi a matsayin makonni shida da suka gabata, Booth ya shirya zaman tattaunawa masu yawa a Khartoum da Brussel da kuma Addis Ababa, inda bangarori daban-daban ke kokarin bayyana damuwarsu da kuma yadda suke kallon sabuwar kasar Sudan zata kasance.
A wani taro da aka gudanar ta kan waya a Brusels jiya Talata, Booth ya yi nuni ga wasu bangarorin da ya kamata a tattauna akansu.