Kamfanin LMC da take shirya gasar firimiya lig a tarayyar Najeriya ya bada tabbacin fara gasar ta NPFL a shekarar 2019/20.
A ranar Lahadi 3 ga watan Nowambar 2019, ne za'a fara makon farko na kakar wasan, kuma kungiyoyi 20 da suka fito daga jihohi daban-daban na Najeriya zasu fafata.
Ga kuma jaddawalin wasan da yadda zasu kasance a makon farko.
Kungiyar kwallon kafa ta Abia Warriors zata karbi bakoncin Katsina United a filin wasa na Umuahia Township Stadium, sai Delta Force FC da Akwa Starlets zasu kara a filin tunawa da Stephen Keshi dake Asaba.
Sai FC Ifeanyi UBA da Adamawa United, Heartland FC da MFM FC-Okigwe Township stadium. Kano Pillars kuwa zata karbi Rivers United a filin wasa Sani Abacha stadium.
Plateau United da Lobi Stars a New Jos Stadium, Warri Wolves Akwa United a Warri Township Stadium.
Wikki Tourist na jihar Bauchi zasu fafata da Jigawa Golden Star a filin wasa na Pantami dake garin Gombe.
Wasanni da za'a fafata tsakanin Enyimba FC da Nasarawa United kuwa an daga sabo da wasu dalilai haka ma wasan Rangers Int'l da Sunshine Stars.
Dukkannin wasannin za'a buga su ne da misalin karfe hudu na yammaci agogon Najeriya, Nijar, Kamaru da kasar Chadi.