Bayan ya kwashe kusan shekaru tara a gidan yari, tauraron wasanin da wasanin kwaikwaya irin na sinima O J Simpsom, yau Alhamis aka shirya, za a fara sauraren bayanan ko kuma shedun da kila zasu kai ga sakin shi a ranar daya ga watan Oktoba, idan Allah ya kaimu.
WASHINGTON DC —
Simpson mai shekaru 70 a duniya, an yanke masa hukunci ne a kan laifin yin fashi da makami da sace mutum a shekarar 2008 biyon bayan tinkarar wasu dilalan kayayyakin wasanni guda biyu a shekarar 2007 a kan wasu kaya da shi Simpson yace an sace su daga wurinsa ne. An yanke masa hukunci shekaru tara mafi kankanci daga cikin hukuncin shekaru 33 a gidan yarin
Ya yi fice a fannin tallace tallace da kuma shirya fina-finai kamar wasan barkwanci na Naked Gun kana ya gudanar da shirye shiryen wasannin motsa jiki a telbiji da ake kira Monday Night Football, kafin aka kashe matarsa Nicole Brown Simpson da abokinta Ronald Goldman a shekarar 1994.
Da farko an zargi Simpson da aikata wannan kisar amma sai aka wanke shi daga wannan zargi a shekarar 1995.