‘Yan wasan Najeriya da suke a Spain da suka hada da Samuel Chukwueze na Villarreal, Chidozie Awaziem na CD Leganes da Ramon Azeeez na Granada duk sun isa Singapore tun ranar Talata, yayin da coach Rohr shima ya isa jiya Laraba.
Rahotannin sun ce an ga dan tsakiya mai wasansa a Glascow Rangers Joe Aribo da abokinsa Viv Solomon-Otabor na kungiyar CSKA Sofia a otal din Super Eagles a Singapore da safiyar jiya Laraba
Wilfred Ndidi da Alex Iwobi da aka masa zakaran gwajin dafi a wannan wasan zumunci da Emmanuel Dennis da Victor Osimhen da kuma William Troost-Ekong su ma sun isa can kasar ta Singapore domin taimakawa Eagles taba Brazil mamaki a wasan zumuncin kasa da kasa.
A hali da ake ciki kuma manyan jami’an Super Eagles sun samu takardun bisa na izinin shiga Singapore a jiya Laraba.
An dai shriya jami’an na Eagles zasu bar Najeriya a jiya Laraba ta filin saukar jirage na Azikiwe a Abuja zuwa Singapore.