Yan sanda a Ghana sunce sun gano wasu wurare da suka kai 5,000 dake buktar kulawa, inda ake ganin za a iya samun tashin tarzoma kafin babban kasar na ran 7 ga watan Desimbar wannan shekara, kuma yan sanda sun fara daukar matakai na magance wannan rigimar da ake fargabar zata iya tashi.
WASHINGTON D.C —
Kakakin ma’aikatar yan sandan Ghana Cephas Arthur yace rundunar ‘yan sanda na da alhakin da iko da kundin tsarin mulkin kasar ya bata na tabbatar da zaman lafiyar jama’a a lokacin wadannan zabuka na shugaban kasa da na ‘yan majalisun dokoki da kuma na kananan hukumomi da za’ayi.
Cephas Arthur ya bada wadannan alkalumman wurare 5,000 da za a iya samu rigingimu a fadin kasar baki daya ne, biyo bayan wani kashedi da hukumar zaben kasar ta yi cewa akwai yiyuwar barkewar tashin hankali a kashi 30 cikin dari na mazubun kasar.