Bayanai sun nuna cewa masu garkuwar sun kai farmaki ne a garin Ngwalam dake yankin Numan, a cikin dare inda suka yi awon gaba da iyalan wani dan kasuwa, wanda ya zuwa yanzu ba’a ji duriyarsu ba, kamar yadda wani mazaunin garin ya shaidawa muryar Amurka a safiyar wannan jumma’a.
Kawo yanzu rundunar 'yan sandan jihar Adamawa, bata yi karin haske ba tukunna akan sace wadannan mutanen, to amma kuma a kullum hukumomin tsaro sukan ce suna nasu kokari domin dakile wannan matsalar ganin cewa lamarin sai kara ta’azzara yake yi a jihar.
Suleiman Baba dake zama jami’in hulda da jama’a na rundunar tsaron farin kaya ta sibil defense a jihar yace sun tashi tsaye.
Ko a makwanni uku da suka gabata ma sai da masu garkuwar suka sace wasu malaman jami’a biyu da kuma wani basarake a jihar.
ga karin bayani cikin sauti daga Ibrahim Abdul'aziz.
Your browser doesn’t support HTML5
'Yan Bindiga Sun Sace Mutane A Adamawa - 3'30"