Yakubu Musa wanda aka fi sani da Yakumzy AKA Arewa gang star, dan asalin jihar Borno ya ce, ya fara waka ne tare da duba matsalolin zaman lafiya a jihar sa, duba da irin matsalolin da ke ci wa 'yan arewa maso yammacin kasar nan ta fannin tashe-tashen hankula da ake fama da shi.
Mun tsinci Yakumzy ne a jihar Kano, wanda ya ce ya zo yawo da mawaka kan yi na ganawa da masoyansu wato Musical Tour, inda yake cewa ya shiga harka ta nishadi ne ya kuma faro da gudanar da DJ a wurare turuka da sauransu.
Yakubu Musa ya ce babban abinda ya ja masa hankali shine matsala ta boko haram, inda ya fara da wakokin zaman lafiya, da kuma abubuwan da suke faruwa a cikin garin Maiduguri.
Duba da irin tashin hankalin da ya shiga ganin yadda matsala ta shafe wasu makusantan shi a wannan rikice-rikicen, kawo yanzu sakamakon yawan wakarsa ta zaman lafiya ce, tuni kungiyoyi masu zaman kansu suka fara neman sa domin su gana da shi tare da samo wasu hanyoyi da za’a isar da sakonin zaman lafiya.
Ya ce wakokinsa na matukar tasiri mussamam ma a yankunan arewa maso yammanci kasar, inda yake taba matsalolin da suke ci musu tuwo a kwarya.
Your browser doesn’t support HTML5
Yakubu Musa: Na Fara Da Wakokin Zaman Lafiya 3'20"