Wakilin dan wasan tsakiya na kungiyar kwallon kafar Arsenal Granit Xhaka, ya bayyana cewar dan wasan, ya amince ya koma kulob din Hertha Berlin ta kasar Jamus.
An samun takun-saka na rashin jituwa tsakanin Xhaka da kuma tsohon kocin Arsenal da ta sallama Unai Emery, tun a cikin watan Nowambar bana bayan da aka cire Granit Xhaka, a matsayin kyaftin, sakamakon wasu kalamai da ya yi, hakan ne ya sa ake alakanta shi da barin Arsenal.
Dan wasa Granit Xhaka
Sai dai sabon kocin Arsenal Mikel Arteta, ya sanya dan wasan a cikin wasan da Arsenal ta yi da Bournemouth, inda suka tashi 1-1 a ranar Alhamis da ta gabata a gasar Premier League.
A kan wannan batu tuni wakilin dan wasan mai suna Joel Noguera, ya ce an kulla yarjejiniya kan komawar dan wasan zuwa Hertha Berlin, a watan Janairun 2020, inda yanzu kawai ake batun biyan kudi ga Arsenal.