Tsohon dan wasan tsakiya na Kungiyar kwallon kafa ta Manchester United, Paul Scholes, ya ce yana da tabbacin kaftin din Kungiyar Manchester United, Wayne Rooney, zai bar kungirar a karshen kakar wasan Bana da zarar anbude hada hadar ‘yan wasa.
Scholes, ya ce ba abin mamaki bane idan aka ce Rooney, zai bar Manchester, duba da yadda dan wasan ya samu kansa na rashin fafatawa a wasu manyan wasanni da Kungiyar take yi a tun zuwan sabon Maihoras da kungiyar Jose Mourinho.
Wayne Rooney, ya shafe shekaru da dama a Kungiyar ta Manchester, inda ya zamo dan wasan da yafi kowa zurara kwallo a Kungiyar, Rooney ya jefa kwallaye har dari biyu da hamsin a lokacin yana ganiyarsa
Paul Scholes, yace har yanzu Rooney, yana da sauransa a kwallon kafa
kwantirakin Rooney, mai shekaru talatin da daya da haihuwa, zata kare a 2019.
Your browser doesn’t support HTML5
Wayne Rooney Na Iya Barin Taka Leda A Manchester United