Akalla mutum guda ya bata, sannan wasu da dama sun ji raunuka, bayan wani bala’in aman wuta da ya auku a yau Talata a wani tsauni da ake tseren dusar kankara a tsakiyar Japan, lamarin da ya haifar da zaftarewar tare da kwararowar dusar kankarar.
Bala’in wanda ya auku a da tsakiyar ranar yay Talata a tsaunin da ake kira Kusata-Shirane, ya sa duwatsu sun yi ta fadowa a yankin wanda ake shakatawa.
Da yawa daga cikin wadanda suka jikkata, suna zaune ne a yanki mai gangara a lokacin da hadarin aman wutar ya auku.
Akalla mutane hudu ne suka ji rauni sanadiyar duwatsun da suyka rika fadowa bayan da suka farfasa gilashin abin hawan da suke ciki.
Rundunar sojin kasar ta Japan sun ce akwai dakarunsu shida a cikin wadanda wannan bala’i ya rutsa da su, wadanda duk aka ceto su daga baya.