A wani labarin da kamfanin dillancin labarai na Reuters ya wallafa ya ce, Taiwan ta ruwaito hango wani jirgin ruwan dakon jiragen yakin China da ya nufi kudancin tsibirin a ranar Lahadi, yayin da sojojin China suka kafa wani faifayin bidiyo suna cewa “munyi shirin yaki”, a sa’adda ake zaman fargaba a Tapei kan yiwuwar China ta sake takalo wani sabon salon yaki.
China, ta dauki yankin Taipei dake karkashin tsarin demokradiyya a matsayin yankin ta ne, bata son shugaban ta Lai Ching-te wanda ta dauke shi a matsayin “dan aware” sannan sojojin China suke gudanar da atisayen soji a daura da tsibirin.
A jawabin da ya gabatar na musamman a ranar bukin kasar a makon jiya, Lai ya ce jamhuriyar China bata da wani ‘yancin wakiltar Taiwan, amma a shirye tsibirin take tayi aiki tare da Beijing don shawo kan matsalolin sauyin yanayi, a lokaci guda ya bayyana iko da shirin yin sulhu da fushi akan China.