Wani kakakin gwamnatin Jamhuriyar Nijar yace an kashe a kalla sojoji goma sha bakwai yayin da wadansu goma sha daya kuma suka bace bayan da wadansu mahara da ba a san ko su wanene ba suka yi masu kwantan bauna.
WASHINGTON DC —
An kai harin ne a kauyen Tongo Tongo dake yammacin Nijar. Kauyen yana lardin Tillaberi inda mahara suka kashe dakarun sojin Amurka hudu da na jamhuriyar Nijar hudu a shekara ta dubu biyu da goma sha bakwai.
Wani jami’in tsaro ya shaidawa kamfanin dillancin labarai na kasar Faransa cewa, ana kyautata zaton kwantan baunan da aka kai ranar Talatan harin ta’addanci ne.
Wata kungiyar da ake alakantawa da kungiyar IS ta dauki alhakin harin da aka kai a shekara ta dubu biyu da goma sha bakwai.