Kungiyar kwallon Kafa ta Arsenal da ke kasar Ingila ta bayyana sunan tsohon Kocin PSG Unai Emery, a matsayin Sabon kocinta wanda ya maye mata gurbin Arsene Wenger, wanda ya ajiye aikinsa da kungiyar a karshen kakar wasan bana bayan ya shafe shekaru ashirin da biyu yana jagorancin kungiyar.
Emery, mai shekaru 46 da haihuwa an tabbabtar masa da wannan matsayinne a ranar Laraba 23/5/2018 bayan sun samu daidatawa da mahukunta a kungiyar ta Arsenal, kafin zuwa ya kasance Kocin PSG inda a bana ya jagoranci kungiyar wadda ta lashe gasar Ligue 1 na kasar faransa da ma wasu kofuna
Emery, ya ajiye aikin sa ne kasancewar ya kammala yarjejeniyar kwantirakinsa da kungiyar PSG.
