‘Yan kwanaki da bayan da gwamnatin Najeriya ta tura sojoji zuwa jahar Zamfara saboda su tinkari miyagun nan da su ka kashe mutane da dama a jahar, an fafata inda sojojin su ka kashe da dama daga cikin miyagun. To amma su ma sojojin sun rasa biyu daga cikin baradensu.
Rundunar sojin Najeriya ta tabbatar da aukuwar wannan arangamar a wata takardar sanarwa mai dauke da sa hannun jami’in yada labaran Rundunar Sojin Najeriya Burgediya Texas Chukuwu, wadda ta ce an yi gumurzun ne a kauyen Tungar Daji da ke Karamar Hukumar Anka da ke jahar ta Zamfara, inda sojojin su ka aika da ‘yan bindiga akalla 21 zuwa lahira.
Sojojin, wadanda su ka kuma raunata da dama daga cikin ‘yan bindigar sun kwace makamai da dama na miyagun.
Ga wakilinmu Murtala Sanyinna da cikakken rahoton:
Your browser doesn’t support HTML5
Sojoji Sun Hallaka ‘Yan Bindiga da Dama a Zamfara