Sai dai zai bukaci taimako daga shugabannin jihohin kasar wajen aiwatar da tsare tsaren. Shugaban Amurka ya yi magana da gwamnoni a wajen taronsu na shekara shekara da aka gudanar jiya Lahadi a nan Washington DC inda ya nemi jin ra’ayoyinsu kan yadda ya kamata fadar White House ta tunkari batutuwan. Mataimakin shugaban kasa Mike Pence ya yi masu karin bayani
Dangane da batun shige da fice, shugabannin daga dukan jam’iyun sun bayyana kalubalar dake tattare da tsarin da ya zama da sarkakiya da kuma wahalar gyarawa. Gwamnan jihar Utah Gary Herber da takwaransa na jihar Virginia, Terry McAuliffe sun bayyana shakkunsu da matayinsu
Yau Litinin ne ake kyautata zaton gwamnonin jihohin zasu bayyana tsare tsarensu a wani zama da za a yi a fadar White House tare da shugabannin majalisun tarayya.