A daren ranar Laraba, bayan da kungiyar kwallon baseball ta Washington Nationals ta ba Houston Astros kashi a wasa na karshe a Texas, nasarar da ta kai babban birnin Amurka ga zama zakarar baseball a karon farko bayan shekarar 1924 da Nationals tayi wasan karshe, shugaban kasa ya yabawa nasarar da kungiyar tayi a cikin wani sakon Twitter.
Shugaban kasar ya rubuta sakonsa ne kamar “Barka Washington Nationals a kan wannan nasara da kuma wasa mai kayua da kuka yi a gasar baseball ta duniya”. “Lallai wasa na bakwai ya yi dadi”.
Nationals tayi nasara ne bayan farfadowa daga fama da ta sha a baya, inda ta kai wasa na bakwai kuma ta lashe da ci 6-2 ta kuma zama zakara a wannan kakar wasa, yayin da ta bakwancin abokan karawarta.
Shahararren dan wasan Washington Nationals wanda nan bada dadewa ba zai ci gashin kansa, shine aka baiwa kyautar zakarar dan wasa na baseball a duniya.
Bugu da kari a kan sakon taya murna da Trump ya aikewa Nationals, wasu kungiyoyin wasa a nan Washington kuma sun taya zakarun babban birnin murna, kamar kungiyar Washington Capital mai wasan kwallon gora bisa kankara da kuma kungiyar kwallon Kwando ta Washington Wizards.
Babban birnin Amurkan na shirin shiryawa Nationals gagarumin bukin faretin da misalin karfe biyu na rana a ranar Asabar, a cewa shugaban mulkin gundumar Washington Muriel Bowser.