Rundunar sojan Najeriya tace sama da mutane 700 da mayakan Boko Haram suka yi garkuwa dasu sun arce daga inda ake tsare da su a yankin arewa maso gabashin kasar.
WASHINGTON DC —
Mai Magana da yawun rundunar sojan Najeriya Col. Timothy Antigha yace yanzu haka am baiwa wadanda suka arcen matsuguni a sansanin sojoji dake garin Monguno na jihar Borno.
Sai dai kuma Antigha bai bayyana lokacin da wadannan mutane suka gudo ba da kuma ko har yanzu suna karkashin kulawar soja. Har zuwa yanzu babu wata kafar da ta tabattarda sahihancin ikirarin sojojin.
A sanarwar da ya bada, Col. Antigha yace wadanda aka yi garkuwa dasu sun hada da maza da mata da yara kuma yan taddan sun tilasta musu yin ayyukan gona a tsibirai da dama dake yankin tabkin Chadi.