Tsohon dan majalisar jihar Kaduna, kuma tsohon kwamishinan yada labarai na Jihar, Malam Sa'idu Adamu, ya bayyana cewa siyasar Arewa ba irinta kudancin Najeriya ba ce.
Da yake mayar da martani ga kalamun shugaba Goodluck Jonathan ga 'yan jam'iyyar PDP da suka canja sheka zuwa APC cewa zasu komo da yunwa, Malam Sa'idu Adamu ya kare canja shekar da shi da wasu kusoshin PDP suka yi tare da bayyana dalilansu na barin jam'iyyar PDP wadda ta sha kaye a babban zaben da aka gudanar kwanakin baya.
“Siyasa ta mu ta ‘yan Arewa ta sha ban ban da irin siyasar su ta ‘yan kudu maso kudancin Najeriya, su suna siyasar kudi ko mukami ne kawai mu kuma muna yi ne domin akida, da kuma mutumci. Bamu dauki siyasa a sana’ar da zamu ci abinci da ita ba, tun kafin siyasar bamu rasa abin da zamu ci ba.”
Daga karshe yayi Karin bayanin cewar duk wanda yake siyasa domin jama’a to dole ne ya taimaki kanshi ya koma inda zaiyi tafiya tare da sauran jama’a.
Your browser doesn’t support HTML5
Sai Sun Rasa Abinci - Inji Shugaba Jonathan - 5'05"