Rundunar Sojin Najeriya Ta Musanta Cewa Za Ta Fito Domin Hana Mutane Yawo

WASHINGTON D.C. — 

Hedikwatar rundunar sojin Najeriya ta musanta zarge-zargen da ake ta yada wa masu cewa za a yi amfani da karfin soji domin tilasta wa mutane su zauna gida domin takaita yaduwar cutar Coronavirus.

Hedikwatar ta ce wannan zancen bashi da tushe kuma ana yada shi ne domin saka wa ‘yan Najeriya tsoro a zukatansu.

Sanarwar da kakakin sojojin na najeriya kanar Sagir Musa ya sanya wa hannu, ya ce akwai bayanin da rundunar sojin ta yi ga jami’an ta inda aka umarci sojojin da su zauna cikin shirin ko ta kwana.

A cewarsa sai aka sauya ainihin labarin domin biyan wasu bukatu mara sa kyau.

Ya zuwa yanzu dai mutum 65 ne ke dauke da wannan cutar ta Coronavirus a Najeriyar.

Saurari wannan rahoton a sauti.

Rundunar Sojin Najeriya Ta Musanta Cewa Za Ta Fito Domin Hana Mutane Yawo