Shahararren dan wasan kwallon kafa na kungiyar Juventus, Cristiano Ronaldo, ya bukaci mahukunta a kungiyar ta sa da su siyo akalla manyan 'yan wasa guda shida idan har ana so kulub din ya lashe kofin zakarun turai na shekara mai zuwa.
Dan wasan Ronaldo, wanda ya taimakawa kungiyar ta lashe gasar Seria A ta Italiya karo na takwas a jere, ya ce baiji dadin yadda aka cire su a gasar cin kofin zakarun turai a matakin zagaye na kusa da na karshe ba.
Ya ce kuma 'yan wasa masu jini a jiki ya kamata a saya idan har burinsu shine lashe kofin zakarun turai a nan kusa.
kungiyar kwallon kafa ta Benfica Joao Felix, dan kasar Portugal wanda tauraruwarsa take haska wa a wannan kakar, da dan wasan Real Madrid Isco, da takwaransa na baya Rafael Varane, sai kuma Monalos na kungiyar Roma.
Har ila yau Ronaldo ya bada shawarar siyo dan wasan gaba na kungiyar kwallon kafa ta Lyon dake kasar Faransa, mai suna Ndombele.
Cikin jerin sunayen 'yan wasa da Cristiano keson a siyo don su tallafa wa kungiyar ta Juventus, akwai dan wasan baya na Fiorantina dake kasar Italiya Federico Chiesa.
kungiyar Ajax ce dai ta cire Juventus daga gasar Zakarun Turai bayan da ta doketa da jimillan kwallaye 3-2 a wasanni biyu da suka buga gida da waje, inda dan wasan Ronaldo ya ce sakamakon haka ya kasa barci a wannan ranar saboda bakin ciki.