WASHINGTON, DC —
Rasha tace shawarar da Amurka ta yanke a kwanan nan na sausauta kayade baiwa 'yan tawayen Syria makamai, mataki ne na tsokana da zai dagulawa muradun sojojin Rasha da wasu kasashe a Syria.
Jiya Talata mai magana da yawun ma’aikatar harkokin wajen kasar Maria Zakharova ta cacaki canjin manufar, tana mai fadawa kamfanin dilancin labarun Reuters cewa an rubuta yiwuwar baiwa 'yan tawaye makamai cikin sabuwar dokar.
Tace kai tsaye mayakan saman Rasha da sojojin ta da ofishin jakdancin Rasha a birnin Damascus zasu fuskanci barazana, kuma akwai yiwuwar makaman sun fada hannun ‘yan Jihadi.