Sauran Duniya

Rasha Ta Kai Harin Makami Mai Linzami Kan Asibitin Yara A Ukraine

Ma'aikatan kashe gobara suna aiki a asibitin yara da Rasha ta kai hari

Dubi ra’ayoyi

Rasha ta kai hari da makami mai linzami kan wani asibitin yara da ke babban birnin Ukraine a jiya Litinin, daya daga cikin hare-haren da ta ke kaiwa a yankunan kasar da ya wuce gona da iri, harin dai ya yi sanadiyar mutuwar mutane 31 tare da jikkata wasu 154.
Washington, DC — 

Jami'an Ukraine sun ce Rasha ta kai hari kan babban birnin kasar Kyiv da wasu garuruwa hudu da suka hada da - Dnipro, Kryvyi Rih, Slovyansk da kuma Kramatorsk.

Shugaban Ukraine Volodymyr Zelenskyy ya ce Rasha ta kai hare-hare da rana da makamai masu linzami sama da 40 a biranen biyar, harin da ya afka kan wasu gidaje da kayayyakin more rayuwa. Sojojin saman Ukraine sun ce sun kakkabo makamai masu linzami guda 30.

Ma'aikata suna share gadaje a wani dakin da ya rufta a harin da Rasha ta kai asibitin kananan yara

Kakakin Sakatare-Janar na Majalisar Dinkin Duniya Stephane Dujarric ya ce, Sakatare-Janar din Antonio Guterres ya yi Allah wadai da hare-haren, yana mai cewa hare-haren da aka kai a cibiyoyin kiwon lafiya "abin damuwa ne matuka"

Ita ma Amurka ta yi Allah-wadai da harin da Rasha ta kai a asibitin yara da ke birnin Kyiv da sauran wurare.