Wasu ‘yan bindiga sun jefa al’ummar garin Sarkin Pawa, hedkwatar karamar hukumar Muya, cikin zaman zullumi sanadiyar sace babban jami’in ‘yan sandan yankin tare da dogarinsa.
Shugaban karamar hukumar Muya, Yahuza Muhammad Kuti, yace baicin babban jami’in ‘yan sandan da dogarinsa da ‘yan bindigan suka sace akwai kuma wasu mutane hudu da suma an sacesu, kamar yadda ya yi wa wakilin Muryar Amurka Mustapha Nasiru Batsari bayani.
Wasu mazauna garin sun tabbatar da aukuwar lamarin da yammacin jiya.
Gwamnatin jihar ta Neja ta ce ta damu da aukuwar lamarin, a cewar Kanar M.K. Maikundi, wani hadimin gwamnan jihar na mausamman a kan harkokin tsaro.
Sai dai kuma Kwamishanan ‘yan sandan jihar ta Neja ya ki ya yi magana da wakiin Muryar Amurka akan lamarin saboda wai bai san shi ba kuma bashi da lambar wayar wakilin na VOA.
Ga rahoton Mustapha Nasiru Batsari da karin bayani.
Your browser doesn’t support HTML5
NEJA: Wasu 'Yan Bindiga Sun Yi Gaba da Babban Jami'in 'Yan Sandan Garin Sarkin Pawa - 2' 59"