Najeriya Ta Kaddamar Da Jiragen Yaki Na Ruwa Da Jirage Masu Saukar Ungulu Don Yaki Da Masu Fashi A Teku

Kaddamar da wadannan jirage, “zai taimakawa rundunar sojin ruwan kasar wajen tabbatar da tsaro a ruwayen Najeriya,” shugaban Najeriya Muhammadu Buhari ya ce.

Yankin mashigin tekun Guinea da ke gefen gabar tekun Najeriya, Guinea, Togo, Benin da Kamaru, ya kasance yanki mafi hadari a duniya saboda masu fashin teku, a cewar Hukumar da ke kula da ruwaye a duniya.