Kasar Indiya ta bada rahoton samun sabbin kamuwa da cutar corona wajen 78,761 cikin sa’o’i 24 a yau dinnan Lahadi, wanda a duniya baki daya, shi ne adadi mafi yawa da aka taba gani ckin kwana guda tun daga farkon annobar, a yayin da kuma kasar ke cigaba da bude harkokin tattalin arzikinta.
Wannan ce rana ta hudu a jere da Indiya ta samu sabbin kamuwa da cutar sama da dubu 75 cikin kwana daya.
Devotees wearing masks as precaution against the coronavirus walk carrying an idol of Hindu god Ganesha to immerse in a water body, after worshipping the same at a village near Kangra, south of Dharmsala, India, Sunday, Aug. 30, 2020. (AP Photo…
A yanzu, har a harkokin addinai ana daukar matakan kandagarki a Indiya game da cutar corona.
Indiya mai yawan jama’a biliyan 1.4; da yawan masu dauke da cutar miliyan 3.5 da wadanda cutar ta kashe kuma sama da dubu 63, ita ce ta uku a yawan masu dauke da cutar ta COVID-19 a duniya, bayan Amurka da Brazil.
A wasu biranen kasashen Turai da dama, jiya Asabar an yi ta zanga-zangar nuna rashin amincewa da tsauraran matakan hana yaduwar cutar da aka dauka tun bayan bullar cutar.