Tawagar gwamnan jihar Babagana Umara Zulum ta yi mummunar hatsarin mota yayin da suke komowa Maiduguri inda mutane 3 suka rasa rayukansu.
WASHINGTON DC —
Rahotanin na cewa mutum 3 sun mutu cikin tawagar Gwamnan jihar Borno, Babagana Umara Zulum da ke arewa maso gabashin Najeriya yayin da su ke komawa a kan hanyar Maiduguri zuwa Mafa a yau ranar Talata.
Hatsarin motar dai ya faru ne lokaccin da gwamnan ya ke komawa bayan ya je shirin sabunta rajistar jam’iyyar All Progressives Congress (APC).
Wadanda suka rasu sun hada da Mai Kanuribe na Legas, Alhaji Mustapha Muhammad, tare da wasu mutum biyu, a jihar Borno.
