Kungiyar mayakan sa kan Hezbollah na kasar Lebanon sun ce harin saman da Isra’ila ta kai ta sama ya hallaka daya daga membobinta wanda ya share shekaru fiye da 30 a gidan yarin Isra’ilan bisa zargin aikata kisan kai.
WASHINGTON DC —
Samir Kantar na daya daga cikin daruruwan Hesbollah din da suka tafi Syria don taya mayakan Bashar al-Assad yaki bayan barkewar yakin basasa a shekarar 2011. Harin dai nay au Lahadi ya fada ne kan wani gini a Jaramana dake wata unguwar wajen gari a kudancin Damascus.
Ba dai wata tankiya da Isra’ilan ta yi akan lamarin, wacce ta sha kai hare-hare a Syria daga ‘yan shekarun baya, mafi yawanci akan tawagar da Isra’ilan kan ce suna dauke da makamai ne a hanyarsu ta shiga Syria dasu ta Lebanon.
An dai daure Kantar ne a shekarar 1979 bisa zargin kashe dan sandan Isra’ila da kuma wani mutum da ‘yarsa a yayin da matarsa kuma ta shake wani yaro ya mutu lokacin da suka buya a gidansu.