Ko Theresa May zata iya tserar da Brexit daga cikin tsaka mai wuya?
WASHINGTON, D.C —
Kafar dillancin labarai ta Reuters ta rawaito hadiman Firai Ministar Birtaniya Theresa May, sun fara shirye shiryen ko ta kwana na kamfe din zabe wanda za’ayi a watan Nuwamba, domin ta tsira da aikinta da kuma shirin fitar Birtaniya, daga tarayyar turai a wani rahoto da Jaridar Sunday Times ta wallafa.
Jaridar ta ce, manyan jami'an biyu na siyasa dake ofishin Firai Ministar a Downing Street, sun kaddamar da shirin atisayen kamfe din zaben domin samun nasarar goyon bayan al’umma a sabon shirin, bayan an caccaki shirin da ta mika na fitar Birtaniya daga tarayyar turai a taron kolin da akayi a Salzburg, a makon da ya gabata.
Ya zuwa yanzu ofishin Firai ministar bai ce komai ba game da wannan rahoto.