Kocin Kungiyar Manchester, united José Mourinho ya ce zai yi amfani da dan wasansa Anthony Martial, a dan wasan gaba na tsakiya matukar dan wasan bai bar kungiyar a bana ba.
Dan wasan baya na Manchester united, Eric Bailly, mai shekaru 24, ya nuna damuwarsa kwarai ta rashin sanin matsayin sa a kungiyar. Tuni dai ‘yan wasan kungiyar ta Manchester irin su Matteo Darmian, da Daley Blind, suka bayyana sha'awarsu ta barin kungiyar a karshen kakar wasan bana.
Manchester united, da Chelsea da Barcelona sun jera sahu guda wajan zawarcin dan wasan baya na Arsenal Hector Bellerin, wadda yake yunkurin barin kungiyar a karshen wasan bana. Haka kuma Chelsea tana yunkurin dauko dan wasan Manchester united, Anthony Martial, mai shekaru 22, in har Manchester ta kasa daidaitawa wajan shawo kan dan wasan.
Har ila yau kungiyar ta Chelsea za ta saka fam miliyan 31 wajan sayen dan wasan Bayern Munich, mai suna Benjamin Henrichs,
Wakilin dan wasan tsakiya na Napoli Jorginho's ya bayyana cewar dan wasan yana bukatar ya taka leda a kungiyar Manchester City, ko kuma Manchester united.
Dan wasan baya na Chelsea, David Luiz, ya ce zai koma kungiyar Napoli da wasa matuka Rafael Benitez, ya koma kungiyar ta Napoli dan maye gurbin kocinta Maurizio Sarri wadda ake ganin zai bar kulob din a karshen kankan wasan bana