Pochettino ya fara aiki a Tottenham tun a watan Mayun shekara 2014 inda ya jagorance ta zuwa wasan karshe na cin Kofin Zakarun Turai UEFA Champions League a wannan shekara, da tayi da Liverpool wacce ta lashe kopin.
Kocin mai shekaru 47 da haihuwa ya fara kakar wasan bana cikin wani yanayi mara kyau inda kulob din Tottenham Spurs take mataki na 14 da maki 14 a gasar firimiya mako na sha biyu.
Jawabin Shugaban kungiyar Daniel Levy ya ce; kulob din na matukar bakin cikin yin wannan canjin.
Ya kara da cewar ba a yanke wannan shawaran cikin hanzari ba amma abin bakin cikinne la'akari da kakar da ta gabata da kuma farkon kakar wasannin bana abin takaici ne kwarai ga kungiyar.
A ranar Asabar 23 ga watan Nuwamban 2019, Tottenham zata ziyarci Westham United wasan mako na sha uku a firimiyan Ingila.