Tawagar mai mutane goma karkashin jagorancin babban mai bada shawara kan tsaro ga Shugaba Moon, mai suna Chung Eui-Yong, sun isa Pyongyang kai tsaye daga birnin Seoul wanda ba kasafai hakan ke faruwa ba; domin isar da sakon Moon dangane janye makaman Nukiliya daga yankin , da kuma samun dawwamammen zaman lafiya da kwanciyar hankali a yankin baki daya.
A yayin da yake Magana da manema labarai kafin ya kama hanya, Chung yace zai isar da sakon shugaba Moon wnada ya kunshi kudiri da kuma niyyar ganin an kwance damarar makaman Nukiliya da kuma tabbatar da zaman lafiya da kwanciyar hankali mai dorewa a yankunan Koriyar biyu.
Haka nan Chung yace, zai yi iya kokarin shi domin yaga cewa sun tattauna sosai da nufin samo hanyar da za’a farfado da shawarwari tsakanin Pyongyand da hukumomin Amurka dake Washington.