Manchester United na fatan samun guri a wasan su na share fagen shiga gasar Champion League da zasu sake karawa da Brugge a yau Laraba.
Kungiyar Red Devils sun sami nasarar wasan su da ci uku da ‘daya a wasan farko na share fage, bayan da ‘dan wasa Marouane Fellaini ya kara kwallon guda domin kiyaye kwallaye biyun da ‘dan wasa Memphis Depay ya zarga.
Ko Manchester zata iya samun nasara wasan ta kuma shiga jerin sunayen kulob kulob din da zasu shiga cikin tukunyar da za’a canki sunaye, wannan na nufin zasu iya haduwa group ‘daya da manya manyan kulob kamar su Barccelona da Jeventus da PSG.
Bayan haka dai an shiga mako na 25 a wasan firimiya lig na Najeriya, inda Giwa FC zata karbi bakuncin Enugu Rangers, ita kuma Nasarawa United zata ziyarci Shooting Stars, su kuma Ifeanyi Uba zasu karbi bakuncin Akwa United.