WASHINGTON D.C. —
Tsananin karuwa da sabbin kamuwa da cutar Coronavirus ke yi a fadin duniya, ya jefa kasuwannin hannayen jari cikin halin kon gaba kon baya zuwa yau Laraba.
A Asiya, kasuwar Nikkei ta Tokyo ta tashi da asarar maki 14 sai dai darajarta ba ta canza ba, a yayin da kuma ita Hang Seng ta Hong Kong ta yi kasa da 0.1% zuwa yamma. Ita ko Shanghai Composite sama ta yi da 0.3%.
A Sydney kuwa, S&P/ASX ta yi sama da 0.2%, Mumbai Sensex ma ta karu da 0.2%, KOSPI na Seoul ta yi sama da 1.4% sannan Taiwan TSEC ta yi sama da 0.4%.
A Turai kuwa daddafawa kasuwannin ke yi. FTSE ta London ta yi kasa da 0.8% yayin da kuma CAC na Paris da DAX na Frankfurt, kowaccensu ta yi kasa da 0.7%.