Kamfanin ya yi asarar kashi digo hamsin da bakwai cikin dari, watau 0.57% a daidai lokacin da aka rufe kasuwar hada hadar hannayen jari ranar Laraba, ya kasance asara mafi girma da aka taba samu a rana daya a harkar hada hadar hanayen jarin kamfanin.
Jiya alhamis hannun jarin kamfanin ya fadi da kashi goma sha tara cikin dari, inda aka sayar da shi a kan $176.26, abinda ya sa masu hannayen jari a kamfanin asarar duk ribar da suka samu a shekara ta dubu biyu da goma sha takwas, ya kuma janyo asarar kimanin dala biliyna dari da ishirin.
A jiya ne dai kamfanin ya sanar da amincewa da yin Karin kudin tsaron iyalin shugaban kamfanin Mark Zuckerberg daga dala miyan bakwai da dubu dari uku da aka kashe bara zuwa dala miliyan goma. Sabon Karin ya nuna kamfanin zai kashe kimanin dala dubu ishirin da bakwai kan tsaron shugaban kamfanin kowacce rana. Kamfanin ya kashe dala miliyan biyar da dubu dari takwas kan tsaron iyalin Zuckerberg a shekara ta dubu biyu da goma sha biyar.
Mujallar Sullicon Valley ta ambaci ta bakin hukumomin kamfanin cewa, kara kudin tsare iyalin Zuckerberg Alheri ne ga kamfanin, sakamakon barazanar tsaro da yake yawan samu.