Dan wasan kwallon kafar Najeriya Samuel Kalu, shine ya zura kwallon da ta ba ‘yan wasan Super Eagle nasarar doke kungiyar kwallon kafa ta kasar Benin, a wasan share fage na shiga gasar kungiyar kasashen Afrika, inda aka tashi wasan da ci 2-1.
Wasan da aka buga a filin tunawa da Godswill Akpabio dake Uyo, ‘yan wasan Najeriya sun zura kwallaye biyu bayan da ‘yan wasan Sessegnon suka fara zura kwallo, cikin minti na biyu da fara wasan. Kocin ‘yan Najeriya Gernot da sauran ‘yan wasan, hankalin su ya tashi bayan zura kwallon farko da aka yi a ragar su.
‘Yan wasan Super Eagle sun samu natsuwa bayan wani hari da dan wasa Samuel Chukwueze, ya kai cikin minti 40 da fara wasan. A rukunin L kuwa 'yan wasan kasar Sierra Leone, suka gwabza da Lesotho in da aka tashi kunnen doki 1-1 wasan da aka buga a filin Siaka Stevens Stadium.