Kasancewar ta 'yar asalin Nijeriya, yasa na rasa samun gurbin karatu a kasar Ghana, domin samun damar zama likita inji wata matashiya Zulaifa Hussaini.
Zulaifa ta bayyana haka ne a yayin zantawa da DandalinVOA , inda ta ce ita ‘yar asalin garin Kura ce amma zama ya kai iyayenta kasar Ghana, kasuwanci inda aka haife ta, har ta yi makarantar firamare da sakandire a can amma samun gurbin jami’a ya ci tura.
Ta kara da cewa sai da ta shafe fiye da shekaru uku tana neman gurbin karatu bayan kammala karatun sakandirenta a can duk kuwa da cewar ta samu nasara a jarabawarta.
Zulaifa ta ce kasancewar tana sha’awar karatu ne ya sa ta dawo gida domin sake sabon lale na karatu bayan da ta jaraba wasu sana’oi a can Ghana, inda zaman aurenta ya gagara dorewa.
Your browser doesn’t support HTML5
Kada Mu Yi Kasa A Gwiya Wajan Neman Ilimi-Inji Zulaifa