A cigaba da yaki da 'yan ta'adda da sauran 'yan bindiga da kasar Saudiyya ke yi, ta ba da sanarwar cewa sojojjnta sun hallaka wasu mayaka 8 a Qatif wadanda ake kyautata zaton 'yan ta'adda ne.
WASHINGTON D.C. —
Kasar Saudiyya ta ce jami’an tsaronta sun hallaka wasu mutane 8 da ake zarginsu da kasancewa ‘yan ta’adda, a yankin Qatif da ke gabashin kasar.
Ma’aikatar Cikin Gidan Saudiyyan ta ce wadanda ake zargin sun mutu ne a musayar wutar da su ka yi da jami’an tsaron kasar a jiya Asabar a tsibirin Tarot.
Gwamnatin Saudiyya ta ce mutanen sun yi ta shirye-shiryen kai harin ta’addanci.