WASHINGTON, D.C. —
A cigaba da fafatawa da akeyi a cikin gasar cin kofin zakarun Turai UEFA Champion League, na bana a matakin wasan daf da na kusa da karshe (Quarter Final) inda a ranar Talata da ta gabata Tottenham ta doke Manchester City daci 1-0, sai kuma Liverpool ta samu nasara akan Porto da kwallaye 2-0 a karawar farko.
A wasan Tottenham da Manchester City dan wasan Tottenham Son Heung-Min shi ya jefa kwallo a cikin minti na 79 a na daf da tashi a wasan.
Ita kuwa Liverpool ta jefa kwallayenta biyu ta kafar 'yan wasanta Keita da Firmino.
A yau kuma Ajax zata barje gumi da Juventus, sai Manchester United zata karbi bakoncin Barcelona a Old Trafford,
Wasannin za'a buga sune da misalin karfe takwas na yammaci agogon Najeriya, Nijar, Kamaru da kasar Chadi.